Bi partida oso garrantzitsu ostiralean

2024-11-6

Azken sailkapenari begira, garrantzi handiko bi partida jokatuko dira ostiral honetan Bizkaia Frontoian. Larunbatean berriz, palista onenekin jaialdia izango da Zumaiako Aitzuri pilotalekuan.

Kutxabank Pala Ligako bosgarren jardunaldia jokatu da, oraindik ez dago bikoterik kanporatuta. Jaialdiko lehen partidan, Gaubeka-Del Ríok Madariaga-Urrutiaren aurka jokatuko dute. Bi bikoteak puntuak lortzera behartuta daude hurrengo fasean jokatu nahi badute. Jaialdiko bigarren partidan, Fusto-Ibai Pérezek Maldonado-Alkortaren aurka jokatuko dute, sailkapeneko goiko aldeko bikoteen arteko norgehiagoka izango da.

Larunbatean Zumaiako Aitzuri pilotalekuan gaur egungo palista onenen arteko partida izango da. Román Maldonadok eta Oier Alkortak aurrez aurre edukiko dituzte Esteban Gaubeka eta beraren bizkartzain izango den Ibai Pérez.

Partekatu